இது புதுசு!நீ புதுசு!
எல்லோரும் போலவே நீயிருந்தால்
எல்லோரில் யாராய் நீயிருப்பாய்?
வித்தியாசப்படு!
ஒத்திவைத்தவுன் எத்தனத்தில்
சொத்தியாகுமுன்னிலக்கு!
இன்றே செய்!
முயலாமல் முடியாது
முன்சென்று நீ வெல்ல!
முயற்சி செய்!
தோல்விக்குத் துவண்டால் நீ
கேள்வியின்றித் தொடரும் தோல்வி!
எழுந்துநில் !
கட்டம் கட்டி முட்டி நின்றால்
ஒட்டு முறிந்து விலகுமுறவு!
விட்டுக்கொடு!
மறக்காத் துரோகம் உனையென்றும்
உள்ளிருந்துருக்கும்!
மறந்துவிடு!
மன்னித்தல் உன்னை
மனிதரில் மாண்புறுத்தும் !
மன்னித்து விடு!
செல்லும் செல்வத்தோடு
செல்லாதிருக்கவுன் புகழ் !
தானம் செய்!
-தமிழினியன் பிரபாகரன்-
No comments:
Post a Comment